spacer    
spacer
Far ina dumonda
line
spacer
Qua pudais Vus inoltrar dumondas da sustegn a la Fundaziun svizra per il radio e la cultura SRKS/FSRC. En Voss profil persunal pudais Vus concepir, cumplettar e trametter dumondas e plinavant suandar lur stadi d’elavuraziun. Per quel intent duvrais Vus in agen login che Vus pudais endrizzar sut „Crear in nov profil“.

FORMULAR DA DUMONDA
Per plaschair emplenir il formular da dumonda ed inoltrar el cun ils ulteriurs documents. Il formular datti en tudestg, franzos e talian, mintgamai giudim questa pagina.
-> Per plaschair inoltrar il formular sco Excel
-> Per plaschair inoltrar ils ulteriurs documents sco PDF
Il formular è OBLIGATORIC. La dumonda è cumpletta, mo sch'il formular da dumonda è emplenì.

Nov tips e remartgas davart l'inoltraziun d'ina dumonda:
1. Legiai p.pl. attentivamain il mussavia avant che inoltrar ina dumonda (il mussavia cuntegna era las cundiziuns generalas che ston vegnir acceptadas avant l'inoltraziun).
2. Nus preferin dumondas precisas e formuladas a moda concisa (la descripziun dal project na duess – sche pussibel – betg surpassar 5 fin 7 paginas).
3. Nus spetgain dumondas cun indicaziuns precisas davart la summa en francs svizzers.
4. Nus spetgain budgets detagliads cun in plan da finanziaziun detaglià.
5. Infurmai nus davart impurtants svilups dal project, surtut sche Vossa dumonda n'è betg anc vegnida tractada (p.ex. sche Vus avais survegnì ulteriurs consentiments da sustegn).
6. Nus preferin projects sustegnids da maniera vasta che vegnan subvenziunads da pliras varts.
7. Per regla na sustegnain nus naginas producziuns da DCs (surtut naginas DCs da musica).
8. Per regla na sustegnain nus betg ils manaschis da staziuns da radio. Nus sustegnain però lur projects.
9. Nus sustegnain be dumondas inoltradas da maniera cumpletta.

Nus ans legrain sin Voss project!

 
   
download spacer Mussavia [PDF, 106 KB]
spacer