 |
| Far ina dumonda |
|
|
|
Criteris da valitaziun adattads a partir dal 2020 – resguardai p.pl. ils tips qua sutvart.
Qua pudais Vus inoltrar dumondas da sustegn a la Fundaziun svizra per il radio e la cultura SRKS/FSRC. En Voss profil persunal pudais Vus elavurar, cumplettar e trametter ina dumonda sco era consultar ses stadi d'elavuraziun. Per far quai duvrais Vus in agen login che Vus pudais endrizzar sut «Nov profil».
TIPS E REMARTGAS EN CONNEX CUN L'INOLTRAZIUN DA LA DUMONDA
1. Legiai p.pl. attentamain il mussavia avant che inoltrar ina dumonda (il mussavia cuntegna era las cundiziuns generalas che ston vegnir acceptadas avant l'inoltraziun).
2. Nus preferin dumondas formuladas a moda uschè precisa ed uschè curta sco pussaivel (la descripziun dal project na duess betg esser pli lunga che 5 fin 7 paginas).
3. Nus spetgain dumondas cun ina proposta precisa areguard la summa en francs svizzers.
4. Nus spetgain budgets detagliads ed in plan da finanziaziun detaglià.
5. Ans infurmai davart svilups impurtants dal project, cunzunt sche Vossa dumonda n'è anc betg vegnida tractada (per exempel, sche Vus avais survegnì ulteriurs consentiments da sustegn).
6. Nus preferin projects cun ina vasta finanziaziun che vegnan sustegnids da pliras varts.
7. Nus na sustegnain naginas producziuns da CDs.
8. Nus na sustegnain nagins custs d'infrastructura e da gestiun da staziuns da radio, mabain lur projects che han in connex cun noss criteris da fundaziun.
9. Nus na sustegnain ni projects da podcast ni preschentaziuns da tribuna auditivas stgets senza connex cun il radio derasà linearmain (broadcast u online).
10. Nus elavurain mo dumondas inoltradas cumplettamain. Il secretariat da la FSRC na dumonda posteriuramain nagins documents mancants. Dumondas inoltradas a moda incumpletta vegnan refusadas.
Nus ans legrain sin Voss project!
|
|
|
