spacer
spacer
Davart nus
line
spacer
La Fundaziun svizra per il radio e la cultura FSRC/SRKS cun sedia a Berna è vegnida fundada dal 2009. La fundatura è la Swissperform, la societad da gestiun collectiva svizra per ils dretgs vischins che represchenta sper ils dretgs colliads cun il dretg d’autur dad artists activs, producents da fonograms e producents audiovisivs era quels dad emetturs da radio e televisiun.
 
La Fundaziun svizra per il radio e la cultura FSRC/SRKS chapescha sasezza sco promotura ed intermediatura da la producziun radioculturala da tut las parts dal pajais, e quai tant per il radio privat sco era per il radio da dretg public. Sin dumonda po ella conceder contribuziuns da sustegn.

La fundaziun promova projects, emissiuns, producziuns, concurrenzas, sco er occurrenzas culturalas ed occurrenzas che servan al perfecziunament en professiuns culturalas en il sectur da radio. Plinavant conceda ella era stipendis per professiuns artisticas en il sectur da radio.
La creativitad da las persunas petentas na duai da princip betg vegnir limitada; la cundiziun per survegnir in sustegn è però in connex direct cun il radio e la cultura en Svizra.*

Cun sias activitads vul la fundaziun contribuir al svilup ed a l’avertura dal medium radio, rinforzar la diversitad da las furmas d’expressiun culturalas en il sectur da radio e profilar quellas en l’ambient multimedial.

Il cussegl da fundaziun sa cumpona da set commembers. L’incumbensa quotidiana surpiglia la manadra da fatschenta. La Fundaziun svizra per il radio e la cultura SRKS/FSRC è in’organisaziun d’utilitad publica e n’ha nagin intent da gudogn. Ella è independenta sin nivel politic, confessiunal ed economic.

*Ulteriuras cundiziuns chattais Vus en il mussavia, en il menu sut “Far ina dumonda”
spacer